|
Dialektord
- Ny bok, utg.2
Dialektord og
seiemåtar har ein tendens til å gå i
gløymeboka. Eit opnare samfunn med påverknad frå media og meir
reising gjer at bruken av lokale ord og uttrykk heile tida blir mindre.
Og med nye generasjonar blir dette meir og meir merkbart. Ord som før
var sjølvsagde, er snart ikkje i bruk lenger. Språket var ein viktig
del av miljø og kultur, og det har stor verdi å ta vare på det lokale
språket..
I sætreboka mi (2003) fall det naturleg å
bruke ord og uttrykk frå Norddals-bygdene. Desse måtte
eg forklare og det vart etterkvart naturleg å lage ei ordliste som vart
tatt inn i boka. Etter
at boka var ferdig held eg fram med å skrive ned ord og uttrykk som eg
hugsa var brukte i heimbygda mi, Norddal på Sunnmøre. Slik har
eg i dag ei samling på om lag 3500 ord med forklaring, og som regel
ei setning på dialekt der ordet er med. Dette er mi liste
slik som eg synest å hugse dialektorda var brukte. Ei 2. utgåve er no
trykt. Eg har framleis interesse av å få supplert lista slik at vi til slutt
kan få
med det meste av eldre ord og uttrykk. Men ei ev. neste utgåve kan det
ta tid å få til. Ikkje alle ord er gamle og rare,
men for yngre generasjonar kan mange ord vere framande. Og sjølv om ord
og seiemåtar er kjende i andre bygdelag på Sunnmøre, var dei også ein del av
Norddals-dialekten
Nokre få eksempel:
bie v.
- vente, stoppe. Bi no litt, sei ej!
hele v.
- rime, fryse til. I natt hæ dæ hela tej
ei kòrstå adv. - ein eller annan stad. Brokja må
vere ei kòrstå
såtime m. - rotekopp, ein som ikkje har initiativ. Du væra for
en såtime du hæ vòrte du då
2. utgåve av hefteboka vart på 182 sider i A4-format. Det aller meste er
ein ordlistedel, i tillegg er det med nokre sider med lokale
personnamn og litt tekst og bilete frå det miljø der ord og
uttrykk levde og var i bruk. Det er inngått avtale med Universitetet i
Oslo som saman med andre ordbøker vil bruke dialektordboka mi som
kjeldemateriale i det store bokverket på 12 bind: "Norsk ordbok
2014" .
Dialektordboka kan bestillast hos meg i telefon eller
e-post (sjå "Kontakt meg" i lista til venstre).
Prisen på heftet er kr 240,- (i tillegg litt porto ved sending) |
